KRALENDIJK –  Un total di diestres studiante di Scholengemeenschap Bonaire (SGB) a logra un certifikado di Cambridge English. 

Siete di nan a logra e nivel C1 Advanced, i seis di nan a haña e nivel ‘Near Native’ C2 Proficiency. E éksito a bini despues di un inisiativa di maestra di Ingles, Annemiek Knaven, ku a proponé un reto ekstra pa e estudiantenan. 

Durante un aña largu nan a sigui lesnan ekstra, ku a resultá den e certifikado ku ta konfirmá nan konosementu i abilidat den e idioma Ingles. Direktor di Liseo Boneriano, Barbara Sol, ta sinti hopi orguyoso di e resultadonan i e inisiativa di Knaven.