KRALENDIJK – Den e dos simannan tras di lomba, un grupo mesklá di partisipante a sigui e entrenamentu di “razonamentu klíniko” na Fundashon Mariadal Academy. 

Razonamentu klíniko ta konsentrá riba e abilidat pa relashoná opservashon i interpretashon ku konosementu médiko manera fisiologia, anatomia, patologia, i farmakologia.

Loke ta notabel ta ku e training a wòrdu duná na partisipante for di vários organisashon, inkluyendo FKPD, ZW-groep, Hospice, PCC, i Fundashon Mariadal mes. Tambe ta importante ku algun di e partisipantenan a ser di trein pa duna e kurso nan mes awor na otro kolega. 

Entrenadó

E entrenamentu tabata na enkargo di entrenadónan Fred Weiland i Paula Blokpoel-Brattinga di Amstel Academie na na Hulanda.