KRALENDIJK – Bida master ta forma parti di e programa diario di Jong Bonaire komo un aktividat kaminda lidernan ta kombersá 1 ora largu ku e hobennan tokante temanan ku ta relevante den nos komunidat. E lidernan ta huza nan eksperensia personal i konosementu pa duna konseho na e hobennan. Tambe sa invita otro hoben ku por wordu konsidera komo ehempel den komunidat pa pasa i komparti nan eksperensia ku e hobennan di Jong Bonaire.

Awor Jong Bonaire a bai un stap mas leu i a krea un programa digital den forma di un (mini) podcast yama BIDA MASTER FOR LIFE.  Den e programa aki un grupo di hoben ta kombersa, debati, komparti nan pensamentu i hasi preguntanan tokante di temanan sosial. Tur esaki ta sosede bou di guia di un lider di Jong Bonaire. E lider aki ta soru pa trese e balansa entre e hobennan, e ta soru pa krea un espasio seif pa e hobennan, e ta  duna e hobennan konseho for di un punto neutral i ta soru pa duna kontesta riba preguntanan ku e hobennan ta kana kune. Ku e programa digital aki Jong Bonaire ke alkansa mas hobennan den reino, i ta spera di por yenanan ku ‘life skills’ ku por yudanan desaroya i bira adultonan responsabel den futuro.

Por mira fragmentonan di BIDA MASTER FOR LIFE riba e plataformanan sosial di Jong Bonaire (facebook i instagram). E episodionan kompletu por mira riba e kanal di youtube: Rebelution TV

Por wak e prome episodio via di e link aki: