KRALENDIJK- Djabièrnè mainta a tuma lugá firmamentu un CAO nobo entre Fundashon Cas Boneriano (FCB / FKB) i AFBW pa e periodo 2025 – 2027.

Nochi Willem konsehero mayó di AFBW, Sharella Wanga-Francees secretaris i Katharina van Manera bestuurslid tabata presente pa e okashon. Jose Capella Vice presidente di AFBW a bisa ku ta trata di 2 CAO ku a firma e siman aki. E trahadónan ta traha duru i sigur a hasi algun kambio den e CAO eksistente.

E negoshashon a kana relativamente fásil. No por kompará, pero por bisa ku e CAO di TELBO ta e mihó ku AFBW a yega di firma te awor. Ben Oleana direktor di FCB/FKB a bisa ku bèrdat e trahadónan ta  traha duru. E mes tin  duele di nan sierto momentu. Tambe el a menshoná ku ta papiando ku Hulanda pa wak kon yega pa fia aya, loke ta sali mas barata pa traha kas i paga bek ku interes mas abou.

Komparashon

Otro punto ku Oleana a menshoná ku ta bai buska pa sa kuantu sèn trahadónan di otro kompania ta gana, pa por kompará ku esnan di FCB/FKB, kiko por hasi pa balansá nan. Despues a tuma lugá e firmamentu.