KRALENDIJK – Den Kas di Kuido algun residente a bira malu ku sakamentu i habrimentu di barika. Serka dos persona a detektá e Norovirus, un virus hopi kontagioso ku ta pega via kontakto direkto i superfisie kontaminá.

Fundashon Mariadal ta tuma medida adishonal di prevenshon pa protehá e salú di e residensante, empleadónan i bishitantenan. Bishitanan ta permití ainda, pero ku medida di prevenshon adihonal. Bishitantenan ta ser urgí pa laba nan man hopi bon ora nan yega i sali. 

Hende ku aktualmente tin problema di stoma òf tripa ta ser rekomendá pa hala nan bishita atras pa prevení ku e virus sigui plama. E virus por wòrdu transmití te dos dia despues di rekuperashon.

E Norovirus ta kousa problema di stoma i tripa, inkluyendo sakamentu, habrimentu di bariki, biramentu di stoma, keintura i doló di barika. E ta plama rápidamente via kontakto ku hende òf supifiknan kontaminá. 

Fundashon Mariadal ta hasi un yama pa vigilansia adishonal, i kooperashon pa limitá kontaminashon mas tantu posibel.