Kuerpo di Polis Karibe Hulandes (KPCN) a publiká e Análisis di Imagen di Kriminalidat (CBA) 2020-2024, un bista ámplio di e desaroyonan di kriminalidat na Boneiru, Sint Eustatius i Saba. E di tres edishon aki, kompletamentiu realisá pa analistanan di KPCN mes, ta forma e base pa reinforsá seguridat i hustisia na Hulanda Karibense.

For di e análisis ta mira vários tendensia preokupante, manera un oumento di kriminalidat di hubentut, delitonan di violensia i insidente ku arma di kandela. Tambe kriminalidat di migrashon, kriminalidat sibernétiko i kriminalidat ambiental tin mester di atenshon. Kriminalidat den tráfiko ta keda un reto, mientras ku kriminalidat di propiedat ta bahando, pero ku preokupashonnan spesífiko pa krimen manera hòrtamentu di skuter i kiebro den kas.  

E CBA ta basá riba datonan di KPCN i informashon di partner manera Ministerio Públiko i Marechausse Real. E meta ta pa identifiká patronchinan di kriminalidat i desaroyá stratégianan enfoká.

Koperashon

KPCN ta enfatisá e importansia di koperashon ku gobièrnu i e komunidat pa krea un ambiente di bida sigur. A base di e análisis, lo determiná prioridatnan stratégiko pa e añanan binidero.