KRALENDIJK—Entidat Públiko di Boneiru a anunsiá su intenshon di pone un pida tereno públiko na Sorobon disponibel pa Frans Paradise N.V. E tereno en kestion, ku a wòrdu usá pa vários aña pa e empresa di e rumannan Frans pa un skol di windsurf, awor ofisialmente lo keda di hür. E desaroyo aki, ta parse di bai pone un fin na e asuntu di insertidumbre ku a reina pa hopi aña. 

Dia 3 di sèptèmber 2024, e Kolegio Ehekutivo a otorgá un permit ambiental pa e operashon di e skol di sùrf i e konstrukshon di instalashonnan asosiá. Un Evaluashon di Impacto Ambiental (EIA) a ser prepará komo parti di e proseso. Entidat Públiko ta konsiderá ku tin motibu sufisiente pa duna e tereno direktamente na Frans Paradise sin un prosedura di selekshon públiko. Esaki ta debí en parti na e echo ku e permit ambiental ya a ser otorgá i no tin otro partido interesá den e tereno.

Solushon

Adishonalmente, ya tin vários skol di windsùrf establesé den e bisindrio inmediato, loke, segun Entidat Públiko, ta provee sufisiente espasio kompetitivo. Ku e paso aki, e inseguridat di hopi tempu tokante e futuro di e tereno na Sorobon ta parse di por fin keda solushoná.