For di yüli 2025, habitante di Bonaire, Sint Eustatius i Saba porfin lo risibí un Burgerservicenummer (BSN), un number di identifikashon personal úniko di nuebe dígito ku ta konektá na nan dato personal. 

E number aki lo permití habitante pa manehá asuntonan ofisial ku entidatnan di gobièrnu online di manera sigur i efisiente.

E BSN lo remplasá e number di identifikashon aktual den e añanan benidero i lo permití habitante pa apliká pa DigiD, un hèrmènt pa hasi uso di websitenan di gobièrnu. Entidatnan di gobièrno lo usa e BSN tambe pa haña informashon personal mas lihé i  ku presishon.

Habitante lo por rekohé nan karta di BSN durante algun siman na yüli 2025. Detaye tokante fecha i lugá di rekohida lo ser komuniká mas despues. Habitante ku ya tin un BSN lo mantené nan number eksistente.

E introdukshon di e BSN ta bini kasi 14 aña despues ku e tres isla a haña nan status nobo komo “municipio spesial” i parti di Hulanda.

Van Huffelen

Mientras ku vários minister i sekretario di estado a parse di a rèk e asuntu manera kakiña, bou di sekretario di estado Van Huffelen i gabinete Rutte IV, porfin a tuma e desishon pa prové tur habitante di Hulanda Karibense ku un BSN.