KRALENDIJK – Habitantenan di Kas di Kuido por risibí bishita atrobe riba e dianan rònt di Pasku, bispu di Aña Nobo i Aña Nobo mes. Naturalmente bishitantenan mester tene kuenta ku medidanan estrikto di Corona.

Habitantenan di Kas di Kuido por risibí bishita dia 23, 24, 25, 26 i 31 di desèmber. Dia  1 di yanüari tambe bishita ta posibel. Komo medida di prekoushon for di 2 di yanüari bishita no ta posibel. Dia 9 di yanüari Fundashon Mariadal lo wak e situashon di Covid di nobo i disidí si por pèrmití bishita òf nò.

Pa evitá kontagio medidanan estrikto di prekoushon ta na vigor. Ta pèrmití solamente un (1) bishitante pa dia. No ta atmití bishitante ku tin síntoma di Corona òf síntoma di fèrkout. Na interes di siguridat i salú di e habitantenan ta urgentemente rekomendabel pa habitantenan pa pasa e angua di buster promé ku nan bin hasi bishita.

Mas aleu naturalmente e medidanan di prekoushon konosí ta na vigor: bisti tapaboka, tene 1,5 meter di distansia i laba man.