ORANJESTAD- E isla di St. Eustatius ta bayendo bèk na nivel die riesgo kuater, awor ku poko poko pero sigur ta hañando grep riba e situashon di COVID-19.

Entre otro restorantnan tin mag di risibí kliente awor pa kome den e restorant mes, aunke ku un limiet di 50% di e kapasidat normal. 

Tambe skolnan lo habri bèk i tin mas fleksibilidat pa esnan ku ke hasi compras, aunke ainda no ta permití mas ku 10 persona di un pakus na mes momento. 

E medidanan nobo lo keda na vigor te 31 di yanüari próksimo.