KRALENDIJK- Djabièrnè 25 di mart, un grupo di hóben studiante di voorgezet onderwijs, a sali pa hermana isla Kòrsou pa bai kompetí den dos rango di deporte. 

Ta trata di e deporte Futbòl di Sala i sòftbòl. Diputado James Kroon tabata presente na aeropuerto Flamingo, pa deseá e tim di Boneiru tur klase di éksito e fin di siman aki na Korsou. 

E organisashon ‘Student Sport Federation Dutch Caribbean’ (SSFDC), ta invitá hóbennan ku ta bai skol, pa e kompetensia ku ta pa edat di 17 pa 28.

Indebon i Jong Bonaire, huntu a sali pa Kòrsou ku un kantidat di hóben pa partisipá den e weganan organisá pa SSFDC.