Nationale ombudsman, Reinier van Zuthpen, ta bisa ku redukshon di pobres mester tuma lugá muchu mas lihe na e islanan di Boneiru, St. Eustatius, Saba kompará ku aktualmete ta sosodiendo. 

Van Zutphen, huntu ku Kinderombudsman ta teme ku hopi mucha lo sigui lanta den pobresa, voral den kaso di mucha ku ta lanta den kas ku un mama soltera. A pesar di sierto medida ku a tuma kaba, Ombudsman i Kinderombudsman ta keda para arriba ku e diferensia den fasilidat na parti Europeo di Hulanda i parti Karibense ta keda demasiado grandi. 

Mínimo social

“Mester bin un mínimo sosial basá riba gastunan soshal”, asina Van Zutphen ta bisa den un rapòrt ku su organisashon a kompilá. E rapòrt a keda presentá djaweps na e isla di St. Eustatius, pero tambe na Gobiernu Nashonal na Hulanda.