E aña aki e ‘Big Nature Quis’, organisá pa DCNA ta wòrdu presentá dor di Edrieënna Brandao, originalmente prosedente di e isla di St. Eustatius.

Brandao a kaba HAVO na St. Eustatius i despues VWO na Kòrsou. Aktualmente Brandao ta bibando na Hulanda.

Komo parti di su preparashon pa guia e quiz, Brandao a pasa un dia kompleto na Blijdorp Zoo di Rotterdam, kaminda ela haña splikashon riba vários animal. E aña aki, tema di e quiz ta animalnan den peliger na islanan di Karibel Hulandes.

Ounke Brandao ta bisa ku e no tin un preparashon spesífiko, semper e tabata tin un interes den animal. E ta kualifiká su mes tambe komo un ‘animal nerd’.

Fecha

E quiz lo tuma lugá riba di 21 di aprel 2022 pa loke ta hende grandi. Tin un quiz pa mucha tambe, pero esaki lo tuma lugá riba dia 22 di òktober e aña aki.