KRALENDIJK- Selekshon Pony Leaque U14, no a logra biaha pa Miami ku American Airlines awe. Mayan djaweps 23, nan mester sigui pa Puerto Rico kaminda e wega nan di ‘Caribbean Zone Pony League’ ta  tuma lugá. Weganan ta kuminsá djabièrnè 24 di yüli. Mayornan mester a bai kas bek ku nan yunan. 

 Úniko mucha muhé di e selekshon ta Midyvienne Wawoe, i el a bisa ku nan a trein fuerte. Jonathan Martijn ta enkabesá e grupo di Boneiru. Djaweps 23 di yüni tin e congresillo, e momentu ku Boneiru i otro timnan ta tende kon e skema di e torneo ta. Tim i paisnan ku ta partisipá na e torneo ta: Panama, puerto Rico, Hunduras i Boneiru.  E weganan di e torneo ‘Caribbean Zone Pony League’, ta inisiá dia 24 pa 1 yüli.

E selekshon di Boneiru no tabata sa ku e buelo a keda kanselá, te na momentu ku nan a yega aeropuerto Flamingo nan a informá nan di esaki. Ta menshoná ku pa falta di mantenshon e buelo no ta bin Boneiru awe djárason. Esnan ku mester a regresá Merka ku ta ku fakansi na Boneiru, a risibí nan maleta bèk despues ku ya nan a ‘check in’. Nan a bai un hotèl pa spera dia ku nan por regresá Miami, miéntras esnan di Boneiru a bai kas. 

Diputado James Kroon, huntu ku Andy Ignacio, a purba yuda i a logra ku mayan dia 23 di yüni, e selekshon di Boneiru ta sali pa Miami i despues bai Puerto Rico. Te na e momentu aki, ta premirá ku nan ta yega na tempu. Djabièrnè e weganan ta kuminsá.