KRALENDIJK- Diputado di Salubridat Públiko, Nina den Heyer, ta di opinion ku Boneiru mester studia e posibilidat pa yega na su propio Banko di Sanger. Esaki tabata un di e puntonan riba agènda den kombersashonnan ku sekretario di Estado, Maarten van Ooijen.

E posibel Banko di Sanger sin embargo no tabata e úniko punto di agenda den e kombersashonnan. Entre otro Den Heyer a mustra riba e echo ku ta importante pa na Boneiru duna asistensia médiko di otro forma ku por ta e kaso na Hulanda.

Enfoke

“Na Boneiru nos tin un enfoke mas grandi riba e famia komo nukleo di hopi kos. Esaki ke men ku tin biaha mester apliká otro tipo di kuido, kompará ku esnan ku ta ofresiendo awor aki”, asina Den Heyer a trese dilante.
Banda di esei, Den Heyer i su dos kolega-diputadonan a boga pa mantenshon pa mantenshon di BonLab komo provedó di servisionan di laboratorio, banda di esun di Fundashon Mariadal.