DEN HAAG – Studiantenan di Karibe Hulandes por sera dentro di poko un seguro básiko di kuido Hulandes Oropeo. Te ku awor esei  tabata posibel solamente si nan tabatin un djòp na Hulanda. 

Den kaso di seguro di gastunan médiko, esun ku ta studia so, mester a kai bèk riba e seguro di kuido-BES . Pero mui pronto esei no ta nesesario mas.

E seguro básiko di kuido Hulandes Oropeo ta brinda e studiante mas posibilidat kompará ku e seguro di kuido BES. Ku esaki e studiante por entregá un petishon pa un kompensashon pa kuido. Esei ta un kompensashon finansiero pa kompensá personanan ku tin un entrada relativamente abou pa nan por kubri nan gastunan di kuido.

Na final di aña Ministerio di Salubridat ta bai kuminsá na Hulanda ku un kampaña di informashon, salí for di ofisina di kuido di Karibe Hulandes.