ORANJESTAD- Na St. Eustatius poblashon di e isla ta celebrando su karnval atrobe e aña aki sin ningun restrikshon pa motibu di Covid-19. 

Ounke ku aña pasá tambe a selebrá e karnval anual, na e momentu ei no tabata permití bishitante djafó ainda. E aña aki esaki si ta e kaso atrobe. Diferente hende di spesialmente Saba a hasi uso di e fèri Makana pa a biaha pa e isla ruman i partispá na e diferente festividat. 

Komisario Alida Francis a mustra su mes kontentu. “Hopi dushi pa por selebrá nos karnaval atrobe, sin ningun restrikshon. Mi ta hopi kontentu di mira nos hende gosa manera kustumber e aña aki. 

Kolorido

Aunke ku por a nota ku e gruponan tabata un poko mas chikitu e aña aki, en komparashon ku añanan anterior, tambe por a nota hopi entusiasmo i hopi kolónan bunita ku a pasa den kayanan di Oranjestad.