KRALENDIJK- Djamars atardi a tuma lugá na Plaza Resort Bonaire apertura di e asina yamá Mediaweek BES. 

Durante un siman lo tin vários aktividat ta bai tuma lugá ku tin di haber ku periodismo na Boneiru i tambe stimulashon di prefesionalismo bou di periodista i prensa lokal. 

E atardi a kuminsá ku presentashon di e resultadonan di un estudio hasí pa Renske Pin di e kompania RE-Quest Consultancy. Despues di presentashon di e sifranan i tambe algun rekomendashon, e medionan di prensa presente por a debatí ku otro riba diferente tema. 

Un komentario ku a skucha hopi ta e echo ku prensa lokal ke solushon pa prensa Boneriano. Diferente hende a ekspresá ku no por kompará e situashon di prensa na Kòrsou òf otro islanan ku e situashon na Boneiru. 

Pressure Cooker

E wikent ku ta bin aki lo tin un aktividat spesial, kaminda representante di media lokal huntu ta bai hasi un produshon chikitu, ku lo keda presentá komienso di otro siman. Banda di esei lo tin varios presentashon i debate ku lo bai tuma lugá e siman aki. Anterior gezaghèber Glenn Thodé lo ta un di e oradónan durante e siman.