KRALENDIJK- Despues ku Tanisha Baars, kampion di JU-JITSU, a yega Boneiru riba djaweps 10 di novèmber, djabièrnè mes a sigui ku rekonosementu pa su logronan den Club Boulevard.

Tabatin presente entre otro representante di INDEBON, TCB, i diputado di deporte James Kroon.  Kroon a bisa ku despues ku e notisia a yega Boneiru ku Tanisha a bira kampion, a hasi posibel pa e bin Boneiru. 

Mama di Tanisha, a gradisí pa e sorpresa ku tabatin pa su yu, un tremendo bon biní. “Mi no tin palabra pa gradisí. 

Bandera

Diputado a pone e pen pa e deportista hóben, ku a bisa ku e ta bai pone bandera di Boneiru riba su paña, momentu e ta bai kompetensia. 

Un representante di TCB a entrega e kampion di mundu den e deporte JU-JITSU, un plaka di mérito i sertifikado di rekonosementu.