KRALENDIJK- Djabièrnè a tuma lugá entrega di diploma Instituto di Enfermeria na Fundashon Maridal.  Daniella Drullard a kanta himno i despues a papia dr. Giovanni Frans, kende ta hefe di hunta di direktiva.

“Pabien na boso tur partisipante. Boso por ta na promé dia di un hende su bida i na final di su bida. Boso logro ta boso esfuerso. Boso ta den un trabou ku ta drai 24/7. Ta importante pa kontinuá ku mas estudio. Pabien i nos ta masha orguyoso di boso” asina Frans a bisa. 

Diploma

Careina Keller, Milanlly Ozoria, Raimeline Pop. Velery Reina, Juliana Saa Obregoni Elijah Piar tur a resibí diploma di ziekenverzorgende. 

Janique Manuel, Erica Simmons. Maybeline Sint Jago, Nefthely Soliana, Jholainy Tavarez, Gloria Thomas-Wanga, Maritsela Winklaar i Mariëlle-Wout a risibí na diploma di verpleegkundige. 

Chozan, Marchena, Audri Statie-Torres Santana i Merychen Trenidad-Dijkgoff finalmente a gradua komo BIG verpleegkundige.