KRALENDIJK – Den kolaborashon ku Forma, riba djabièrnè 8 di yüli a entregá tres MBO1 diploma. Un di 4 partisipante no por a sera e aña eskolar kompleto dor ku su detenshon a kaba. Pa e motibu ei e ta risibí un sertifikado.

Aparte di e nivel di MBO1, detenidonan tambe por a sigui lèsnan genériko na nivel di MBO2 òf mas haltu. Pa esaki a otorgá 8 sertifikado pa matemátika i téknika. Banda di esaki tin tres detenido hende muhé ku a sigui i kaba un kurso di spesialista di beyesa. Pronto lo otorgá dos sertifikado mas na esnan ku a kompletá un kurso interno di tratamentu di adikshon, kaminda studiantenan ta siña tokante e konsekuensianan i impakto di uso di droga.

JICN ta orguyoso di i kontentu ku e resultado i ke gradisí e detenidonan, partnernan i propio personal pa e éksito.