ORANJESTAD/PHILIPSBURG- Riba djabièrnè, dia promé di yüli na St. Eustatius i St. Maarten a para ketu na abolishon di e epoka di sklabitut. 

Ounke ku na St. Maarten ya pa algun aña promé di yüli ta un dia liber ofisial, esaki na St. Eustatius ainda no tabata e kaso. 

“Mi ta hopi orguyoso ku 367 aña despues ku e prome katibu a yega kosta di St. Eustatius i 159 aña despues ku a abolí sklabitut, awe nos ta selebra dia promé di yüli pa promé biaha komo dia di fiesta ofisial”, asina komisario Alida Francis a trese dilanti. 

Mesa rondó

Francis, durante su diskurso a mira bèk tambe riba e Mesa Rondó ku a tene resientemente tokante di e tema di sklabitut. Segun Francis a bisa, nunka por keda sin sigui ku e diálogo tokante skalbitut i emansipashon i kiko esaki ta nifiká pa nos islanan.