KRALENDIJK – E lucha di un grupo kresiente den komunidat pa e neurólogo Richard Beukers sigui traha na Boneiru ta sigui.

Despues ku tabata tin un akshon di firma kaba ku a tuma lugá na Kaya Korona den dianan tras di lomba, awor lo organisá un manifestashon pa ekspresá e malkontentu ku maneho di Fundashon Mariadal pa ku e kaso spesífiko aki, pero tambe sierto otro malkontentu ku ta bibando.

Hopi pashènt i èks pashent di Beukers den dianan tras di lomba a bini dilanti e duna testimonio riba e manera ku e spesialista en kestion a yuda nan, den nan momentunan mas difísil. 

E manifestashon lo tuma lugá na e espasio di e anterior edifisio di Bonaire Trading Company ku ta keda en frente di hospital bieuw riba djaweps entre 4 ‘or i mitar di seis di atardi.