KRALENDIJK- Djarason ku a pasa tabatin un aktividat sosial ku tabata karga ku adultonan mayor. Nan a gosa un mundu di e aktividat. 

Ta trata di un aktividat, kaminda e hendenan di kas di Karko, mester a prepará, nan bistí na kosnan di resiklahe. Ku un palabra; un show di moda. Tur kos a kana hopi bon riba e dia. Nan mes a traha nan trahe, loke tabata algu ku a eksihí hopi motivashon serka e adulto mayornan i nan a apresiá nan mes trabou. Ta importante pa sigui guia nos adulto nan mayor e lidernan a bisa.

Material

E hendenan a usa nan kreatividat usando papel di korant, tapa di bòter, kaha di webu i mas kos. Nan a traha ku material ku por tira afó, nan a krea algu bunita kuné. Pa esaki nan ta gana premio di loke nan a krea i a hasi un show kuné durante e aktividat. Na final a saka ganadó i a entreganan un sertifikado pa nan partisipashon.