KRALENDIJK – Ku orguyo Fundashon Mariadal ta anunsiá añadishon di dos ambulans nobo i avansá na su flota, un fortifikashon signifikante di e kapasidat di kuido di emergensia na Boneiru.

Djabièrne a tuma lugá un seremonia speshal di entregamentu di yabi na e Departamentu di Urgensia. Entre e personanan presente tabata Curvin George, Direktor di ZJCN, Mirella Walters, koòrdinadó di Kuido di Urgensia, i Joger Jacobs, e mènedjer médiko.

Wim Treurniet i John Berger di Tulatech, ku Fundashon Mariadal a kontratá komo eksperto pa kompra di nos ambulansnan nobo, a hasi entrega di e yabinan na Mirella Walters i Curvin George.

E momentu spesial akí a keda inmortalisá den un seri di potrèt bunita, loke ta simbóliko pa e fase nobo akí den dunamentu di kuido.