BRADENTON – Despues ku ayera den e stadion Ed Smith, e ekipo di Reino Ulandes ku pitcheo di Marshal Albertsz i Ryan Hoogendoorn a sabi di derotá e ekipo di Sur Afrika ku e skor di nuebe pa sero, awe e ekipo lo tin su promé kompromiso den e supertanda kontra Mexico. 

E seis ekiponan ku a klasifiká pa e supertanda ta den grupo A USA, Sur Korea i Reino Ulandes, miéntras ku e tres ekiponan den grupo B ta Chinese Tapei, Hapon i Mexico. Awe pues e super tanda ta kuminsá ku e enkuentronan, kaminda e number tres di kada grupo lo enfrentá otro pa nueb’or di mainta (Reino Ulandes v.s.Mexico), despues pa 15.00 e number dos (Sur Korea v.s. Hapon) i pa 19.00 e number uno di kada grupo lo enfrentá otro (USA v.s. Chinese Tapei).

E otro kompromisonan di e ekipo di Reino Hulandes den e supertanda aki ta djabièrnè kontra e ekipo di Hapon pa djasabra sera e supertanda ku un enkuentro kontra Chinese Tapei. Djadumingo 18 e final lo ta ora ku e ekiponan klasifiká lo hunga pa e di tres(bròns), di dos(plata) i kampeon di e kampeonato(oro).