KRALENDIJK –  E droga ku a interseptá entre Kòrsou i Boneiru ayera nochi tabata mas ku 1600 kilo, wardakosta ta informá.

E mariwana tabata paketá den 66 pakete chikitu ku nan a kaba di tira den laman ora ku e tripulante a ripará ku tabata pèrsiguí nan.

Ku e kaptura aki e total di kontrabanda ku Wardakosta a interseptá den área di Karibe a bira mas ku 5.500 kilo. Esei ta 400 kilo mas ku den e aña di korona, 2020. Den 2021 a interseptá 10.000 kilo di droga i spesialmente kokaina.

Ku a interseptá asina hopi mariwana ta eksepshonal. Na 2020  tabata trata di 635 kilo i na 2021 tabata 577 kilo.

A entregá e tripulashon ku tabata konsistí di ocho persona na polis di Boneiru i mientrastantu a destruí tur droga kaba.