KRALENDIJK – Tourism Corporation Bonaire (TCB) a partisipá huntu ku 11 partner di Bonaire na e bolsa Duikvaker, ku a tuma lugá dia 1 i 2 di febrüari 2025 na Houten, Hulanda. E stènt di TCB a ser atendé pa Annette Emerenciana di TCB i Jaedan Crestian, embahador di Bonaire i estudiante.

E stènt di Bonaire a atraé miles di amante di sambuyamentu, inkluyendo bishitantenan anterior di e isla i hendenan interesá pa planeá otro biahe pa Bonaire. Bishitantenan por a benefisiá direktamente di pakettenan atraktivo pa sambuyamente, estadia i hürmentu di auto.

Durante e bolsa, Bonaire a partisipá tambe na e Duikexpeditie, un evento interaktivo pa mucha. Tambe a organisá un evento di networking, unda eksposantenan, bishitantenan i partner mediátiko a haña e oportunidat pa establesé konekshon ku otro. Pasaboka lokal, prepará pa Cedric Soleana, i un bar atendé pa Alexander Tromp, a brinda un ambiente outéntiko di Bonaire.

Samubyá for di kosta

Partisipacion na Duikvaker ta parti di e strategia di merkadeo di Bonaire pa oumentá e visibilidat di e isla i mantené su posishon komo un destinashon tóp pa sambuyamente for di  kosta. TCB ta agradesé tur e partner ku a partisipá na e evento aki aña.