KRALENDIJK – Inskripshon pa Festival di Tumba 2025 grandi i chikitu a sera awe djadumingu atardi. 

Ta bai tin 12 partisipante pa tumba grandi i 14 pa esun hubenil. UNTAHF, e organisashon enkargá ku karnaval e aña aki, a sera inskripshon kontentu i awor ta bai prepará pa organisá e festival di tumba, tantu grandi i esun chikitu. 

E festival nan di tumba ta planiá pa tuma lugá na Social Cafe. E plan ta pa organisá dos anochi festival grandi i un anochi festival di tumba hubenil. Mas den e siman ku ta bini, UNTAHF lo bai informá kon ta bai organisá e festivalnan i nòmber di e partisipantenan.