KRALENDIJK- Si falta di akreditashon tabata un di e problemanan ku tabata menasá eksistensia di BONLAB komo laboratorio independiente, esaki awor ya no ta e kaso.

Dia 17 di febrüari e laboratorio lokal ku tin Entidat Públiko Boneiru komo doño, a risibí e grato notifikashon ku nan a logra e akreditashon ISO 15189 komo Laboratorio Médiko di parti di Raad van Accreditatie (RvA). Segun e laboratorio ta nota, Boneiru por ta orguyoso di su laboratoria ku no ménos ku 53 aña di eksperansia, kontando tambe periodo di Landslaboratiru i ADC-Boneiru.

Kontinuo
E prososo di akreditashon ta un prososo kontinuo, den e sentido ku mester keda mantené esaki pa e keda na vigor. E mesun RvA ta keda na enkargo di esaki. Presensia di BONLAB ta pone ku por hasi hopi tèst na Boneiru mes, pero ora ta nesesario pa hasi tèst mas kompliká òf spesialisá, BONLAB ta manda esakinan pa partnernan den eksterior, ku kua e kompania tin un kombenio.

Gerensia di BONLAB a bisa ku nan ta hopi orguyoso di e logro i e tim ku a hasi esaki posibel.