KRALENDIJK- E bursalnan di Bonairu lo bai sali pa Hulanda dia 31 di yüli e aña aki. Na Hulanda, e studiantenan hóben lo ser akomodá pa e organisashon TuranGoeloe, manera a pasa aña tras di lomba.

TuranGoeloe no solamente ta brinda sosten inisial na nan yegada, pero tambe ta organisá alohamento nesesario promé ku nan yega,i  ta ofresé sosten, spesialmente pa estudiantenan di promé aña.

E studiantenan lo ta presente na aeropuerto for di 4:00 di atardi riba e dia di salida, no solamente pa check-in, pero tambe pa despedí nan famia i amigu. Tambe tin oportunidat pa tuma un retrato di grupo.

Finalmente, e hobennan lo sali mas o ménos 8:25 PM riba buelo KL765.