BRIDGETOWN, Barbados – Kasi tres aña pasá, e pandemia di COVID-19 a yega tambe na diferente pais di Karibe, kausando un impakto ekonómiko i sosial bastante severo, i poniendo tenshon inmens riba sistemanan di salú den region.

Caribbean Development Bank (CDB) resientemente a komprometé US$29.8 milion pa fortifiká sistemanan di salú na Grenada, Santa Lusia i St. Vincent i Grenadines. Esaki pa  hasi nan mas fuerte  kontra futuro krisis di salú.

Durante un reunion riba djaweps, 30 di mart, direktorianan di banko a ratifiká aprobashon di tres fianasa di un suma di respectivamente US$9.97 milion, US$9.86 milion i US$10 milion na Gobièrnunan di Grenada, Santa Lusia i St Vincent i Grenadines respektivamente. E fondo ta asigná for di resursonan di European Investment Bank (EIB) pa CDB bou di EIB Climate Action Line of Credit II – COVID-19 Component.

Fayo

Vise-Presidente di Operashonan di CDB, Isaac Solomon, a bisa ku e pandemia di COVID-19 a mustra fayonan den sistemanan di salú, hsciendo e invertishon aktual.

“E eksihensianan sin fin di e pandemia a pone na kla na kua manera e sistemanan di salù regional a faya. Nos mester asigurá ku esaki lo no boble pasa, asina Solomon a bisa.