KRALENDIJK- Djabièrnè último, e konosido ‘kickboxer’ di Boneiru, Davidlee Winklaar, a bisa prensa e ta kla pa regresá den rin. 

Riba e dia ku a duna rekonosementu na Tanisha Baars, e kampion mundial di JU-JITSU, Davidlee kende tabata presente a revelá e notisia di su regreso.   

Na 2020 mi a bira tata, mi a bisa mi mes, ta kla ku bringamentu. Pero e pashon no a laga mi. Mi ta sinti mi yamá pa kontinuashon ku e deporte. Mi ta sigui hopi di aserka e peleanan i e ánimo i treinen, nunka a kita for di mi. 

Preparashon

E regreso kisas ta poko duru, pero mi ta den ful preparashon i ku fe mi ta logr’e pa mi ta manera mi tabata. E parti finansiero ta importante pa mi atendé i tin instansia ku ta kla pa yuda mi, “ Davidlee a bisa miéntras e tabatin un tremendo spiritu di positivismo pa su regreso. 

El a bisa ku 2023 e ta bringa na Aruba pa MMA. “Mi ta bai pe fuerte!”