KRALENDIJK- Diputado James Kroon, djaweps mainta a papia ku prensa tokante drechamentu di Ama’s Ballpark. “Trabounan a kuminsá ya pa algun siman i pronto por mira un bunita parke pa praktiká beisbòl. Banda di e parke di beisbòl, Jossy Boekhoudt tambe ta den plan pa remodelashon” asina Kroon a splika. 

Tambe ta bai sigui atendé ku diferente vèlt mas di beisbòl , di kual tambe tambe na Rincon. Según Kroon, diferente grupo huntu ta trahando pa drecha fasilidatnan pa praktiká deporte na Boneiru. INDEBON, ta bai atendé ku e parti mantenshon, loke awor gobièrnu a hinka e parti aki tambe den e proyektonan. Kuida pasobra ta trata di sèn di komunidat. Velt Rudy Boezem no ta kompletamente kla. Falta mas kos rondó di e vèlt. A kambia lusnan na stadion di Rinkon i ta bai pone despues lus ku ta sende mas kla. Vèlt di Estrella òf ‘Pali Tamaren’ manera nan ta yam’e, ta bai haña lus i lo drech’e pone stabil. 

Ama’s Ballpark ta bai kambia di nòmber i momentu ta mas serka, ta publiká e nòmber nobo. Ta trata di un persona ku a hasi hopi pa deporte den e área. Den yüni trabounan mester ta kla. Si no logra terminá e parke nobo, lo bai na Jossy Boekhoud Ballpark pa un temporada ku e weganan ku mester tuma lugá.  

Muda stadion

Tin plan tambe pa move stadion di playa for di den sentro di siudat. Tin diferente kombersashon ta tumando lugá. Awe pa mayan e lo no sosodé, sinembargo ta pensando si kon pa eliminá.