KRALENDIJK / Rincon – Siman pasá e torneo di futbòl hubenil Kopa Lito a ranka sali. E evento anual, ku ta un koperashon entre Federashon Futbol Boneriano i Banko MCB, a trese alrededor di 1000 hungadó hubenil entusiasmá huntu ku ta bai kompetí pa gana den diferente kategoria di edat di U9 te ku U17.

E torneo, ku lo dura tres siman, no ta pone énfasis so riba gana wega, pero tambe riba disiplina komo un parti krusial di e kompetensia, segun e tema ta bisa: “Ku disiplina bo ta gana mas”.

E inisio di e torneo tabata siman pasá, kaminda a hunga e promé weganan. E evento ta enfatisá e importansia di tantu prestashonnan deportivo komo desaroyo personal, kaminda ta enkurashá atletanan hóben pa mehorá nan prestashonnan riba fèlt i siña na mes momento  lèsnan di bida importante tokante e importansia di disiplina i traha den tim.

Ku sosten di e spònser Banko MCB e torneo ta keda un punto kulminante kada aña pa tantu partisipantenan komo públiko i ta kontribuí na desaroyo di e siguiente generashon di streanan di futbòl riba e isla.