DEN HAAG – Den 2023 Hensley Meulens lo ta e entrenadó di ekipo pa bònt  di Ulanda na World Baseball Classic. Ta pa di tres biaha konsekutivo ku e anterior gran beisbolista di Kòrsou ta okupá e funshon pa e tim ku ta partisipá komo ‘Team Kingdom of the Netherlands’ na e kampionato di beisbòl mas grandi na mundu.

E promé dos biahanan e tim a yega semifinal bou di su guia. World Baseball Classic ta e úniko kampionato kaminda Hulanda por hasi uso di profeshonalnan di Karibe ku ta hunga den MLB, manera Xander Bogaerts, Ozzie Albies i Kenley Jansen.

“Ku Hensley nos tin un mènedjer ku hopi eksperensia, i ku ademas ta hopi respetá dentro di mundu di beisbòl”, direktor tékniko Van den Hurk ta bisa. “El a guia nos dos biaha kaba te semifinal i ta kara di partisipashon dentro di Reino for di tempu di su doblete kontra Cuba na Weganan Olímpiko di 2000.”

Programa

World Baseball Classic ta tuma lugá di 8 te ku 21 di mart riba kuater diferente lokalidat. Hulanda ta sali kontra pais anfitrion Taiwan, Cuba, Italia i un klasifikadó den e promé fase di grupo. E di dos buelta ta na Hapon i e finale ta ta tuma lugá na Miami