KRALENDIJK – Djasabra Fundashon Alzheimer Boneiru (FAB) a organisá un workshop pa famianan di hende ku demensha. E tema tabata kon pa manehá emoshon. E evento a tuma lugá na Kas Karko i a atraé un 60 partisipante, o sea e number máksimo ku por a inskribí.

Debí na e interes grandi, FAB a disidí pa organisá e workshop di nobo den futuro serkano. E reunion a ser dirigí pa e sikológo di hende mayor, Marije Veenstra, i e trabadó sosial, Naidy Marchena.

Durante e workshop, tabatin aktividatnan separá pa 11 persona ku demensha ku a presentá, asina ku nan famianan por a partisipá sin distrashon. E partisipantenan a risibí un sertifikado na final, mientras ku e guianan a risibí un atenshon.

Segun FAB, e demanda pa e tipo di workshop akí ta sigui grandi.