KRALENDIJK—Riba djarason gezaghèber John Soliano a reakshoná riba informashonan preokupante tokante ekspreshonnan negativo ku mester a keda hasí pa gruponan religioso na e isla den direkshon di e komunidat LGBTQI+.

Soliano a enfatisá ku derechonan fundamental manera libertat di ekspreshon i religion ta importante, pero ku alabes mester trata otro ku e rèspèt nesesario. 

Gezaghèber a suprayá ku ta esensial pa tur hende sinti nan mes sigur i akseptá na Boneiru. Mientrastantu Soliano a papia tokante e insidente ku Ministerio Públiko i polis. Alabes e ta un yamada pa sigui dialogá ku otro i mustra rèspèt mutuo.

Diverso pero pasífiko

“Boneiru ta un sosiedat diverso unda nos ta biba huntu den pas, respetando nos diferensianan,” Soliano. Gezaghèber a bisa tambe di spera ku organisashonan i gruponan lo dialogá pa kontribuí na un Boneiru mas inklusivo i respetuoso.