ORANJESTAD- E grado di bakunashon na e isla di St. Eustatius poko poko ta subiendo levemente, pero ta keda abou, spesialmente si kompará esaki ku e situashon na Boneiru ku Saba. 

Den un karta ku secretario di estado, Raymond Knops, a skibi pa parlamentu hulandes, e grado di bakunashon a subi levementen di 46% pa 56% si wak e populashon adulto. Si kue esaki komo presentahe di e poblashon kompleto, e grado di bakunashon ketu bai ta bou di 50%.

Aunke, segun Knops, e grado di bakunashon ta muchu abou ainda pa por reaktivá e vida ekonómiko riba e isla, e ta konsehá pa hasi esaki tòg. “Mi ta kere ku mester kuminsa reaktivá tur aktividat ekonómiko, pero Entidat Públiko St. Eustatius mester sigui tuma sierto medida pa esnan ku ainda no a bakuná”.

Konseho

Segun Knops, e ministerio di Salubridat, bienestar i deporte na Hulanda, lo sigui sostené St. Eustatius ku koneshonan práktiko pa asigurá ku e grado di bakunashon lo sigui subi.