KRALENDIJK – Awe nochi 35 hungadó nobo di vòlibòl ta start den dos grupo ku nan promé treinen bou di guia di e tòphungadó di vòlibòl Steffie Janshen. Un yamada di Let’s move a pèrkurá pa hopi mensahe entusiasmá.

Despues di corona e ánimo pa hunga vòlibòl na Boneiru a sak. Sinembargo esei no a dura largu. Un yamada nobo di e organisashon Let’s move a pèrkurá pa 35 hungadó di vòlibòl entusiasmá ku ta bai trein djaweps anochi den dos grupo. 

Organisadó Jolien Wissink ta laga sa lo siguiente:  “Manera mi a komprondé di Bonaire’s Volleybal Federarion (Bovobo) tabatin antes shete tim  i un kompetensia. Pa por haña atrobe mas ánimo pa vòlibòl nos di Let’s Move tambe ta purba di organisá timnan di moda ku nan por partisipá na e kompetensia ei. Eventualmente nan por partisipá por ehèmpel tambe na un torneo ku Bovobo ta organisá i ta kuminsá 1 di mart”.

E treinennan ta kuminsá djaweps 22 di februari den kompleho deportivo Atventista bou di guia di Steffie Janshen. E anterior tòphungadó di vòlibòl a hunga antes den liga-A di Peelpush di Meijel. Tambe el a hunga den liga mayo na FAST.