KRALENDIJK- Entrante djaluna 24 di yanüari habitantenan di Kas di Kuido lo por risibí bishita atrobe. Sinembargo, Fundashon Mariadal ta pidi bishitantenan pa hasi un tèst antígeno na yegada. “Nos ta konfia ku bishitantenan lo hasi esaki di manera honesto”, asina Fundashon Mariadal a skibi djasabro den un komunikado pa prensa. 

E tèst lo wòrdu duna gratis dor di Fundashon Mariadal mes na resepshon. E maneho ta wòrdu introdusi den un intento pa laga bishita tuma lugar na un manera mas sigur pa boso sernan keri den Kas di Kuido i nos trahadornan. 

E tèst por wòrdu tumá na resepshon di Fundashon Mariadal despues ku a traha sita pa bin hasi bishita. Riba dia di bishita e bishitante mester komproba ku e tèst ku ela tèst negativo pa COVID na e bewaker.

Sita

Tur bishitante pa Kas di Kuido tin ku traha sita. Esaki por wordu hasí via e number di telefon: 7809000. Pa bishitantenan di departamentu di Sentebibu e pashènt mes lo ta responsabel pa duna nomber di e bishitante.

Den kaso ku e nòmber di bishitante no ta para riba e lista no permití entrada den hospital.