KRALENDIJK- INDEBON ta bai organisá un treinen di beisbòl na Boneiru dianan 21 pa 26 di novèmber. 

Terrence de Jong, e siman aki a bisa tokante e preparashon ku ta andando pa e práktika. “Awe nos ta papia di un evento ku nos tin ta atendé poko den silensio. Nos a tende poko trankil i awor ta e momentu pa trese dilanti. ‘Baseball Week’, ta 21 di novèmber pa 26, na vèlt di AMAS. Ta bai bini algun pelotero profeshonal for di eksterior pa duna treinen. Ma informashon ta sigui despues. Hopi kos ta bai tin,”Terrence de Jong a bisa.

Entrenadó Chio Semeleer a papia tokante e proyekto ku e Instituto di deporte Boneriano (INDEBON), tin planiá. “Sigur ta bai organisá un tremendo aktividat pa muchanan di beisbòl. algu interesante. Terrence, a papia di e aktividat i mi a bis’e ban pe. Si por partisipá e dianan ta hopi importante. E aña aki nos tabatin un klínika, di beisbòl i atletik i awor nos ta bai bèk na beisbòl. Tin bon desaroyo den e mundu di beisbòl na Boneiru”.

Importante

Segun Selemer tTa importante trese e muchanan pa e sekshonnan di praktiká. Esnan ku ta ta praktiká ta bira mihó i otronan por kuminsá. Yega i probechá di e oportunidat. Mucha entre 4 aña pa 6 aña por partisipá.”