KRALENDIJK – Djamars 19 di sèptèmber, Instituto di Deporte Boneriano (INDEBON), tabatin enkuentro ku tur  tim di futbòl, afiliá na Federashon Futbòl Boneriano (FFB). 

Ta trata di 11 tim i nan representante tabata presente, esta FFB. E enkuentro tabata basá riba kombersashon di diferente punto, manera skema pa kada tim, kon hasi uso di e vèltnan, e momentu korekto, den diferente bario. 

Tin proyektonan ku ta den proseso pa kuminsá i tambe algun ku ya ta kanando. Tambe a papia di e parti di mantenshon di terenonan, kon a yega na un mihó kontrol. Ta bai pone kámara na tur vèlt, asina por kontrolá mihó momentu algu bai for di man. E enkuentro a dura mas o ménos 2 ora di kombersashon, deliberashon den bon harmonia. 

Strukturá

Di e manera aki INDEBON ta sigui struktura kada rango di deporte i krea mas fasilidat pa praktiká deporte na Boneiru, den un forma organisá.