KRALENDIJK – Djabièrnè tabatin oportunidat pa inskribí pa un djòp pa BONDOET 2025. Segun Roosje van Der Hoek, kordinadó general di BONDOET, e evento ta planeá pa e dia 16 i 17 di mei 2025.

BONDOET, ku ta na su 15 edishon, ta organizá pa NGO Plataforma Boneiru den kolaborashon ku Oranjefonds. Organisashonnan ta invitá pa registrá un djòp pa duna boluntarionan e oportunidat pa yuda bo organisashon.

Último fecha pa registrashon ta promé di mart 2025. Organisashonnan ku ke partisipá mester diskutí kiko nan ke hasi durante BONDOET i determiná e grupo di enfoke òf e besindario. Tambe, nan mester deliberá ku koleganan òf direktiva pa skohe e mihó opshon.

E organisashonnan mester disidí kiko e boluntarionan lo hasi i kon bo por mara nan na bo organisashon. Ta importante pa hasi un lista di material nesesario i traha un presupuesto faktibel. Aki Van der Hoek a rekordá ku tin un máksiko di 150 dòler pa proyekto.

Pa mas informashon riba inskripshon i kondishonnan, por tuma kontakto ku NGO Plataforma Boneiru.