ORANJESTAD/KRALENDIJK- Hende muhé den edat di 50 pa 60 aña na Sint Eustatius por partisipá den e skrinen na boka di matris entrante djaluna 27 di yüni 2022. E skrinen ta e promé di tres programa di skrinen ku ta ehekutá na Sint Eustatius i “Public Health Prevention Clinic” ta kondusí esaki den kolaborashon ku “Sint Eustatius Health Care Foundation”. 

Kanser na boka di matris ta e di kuater kanser mas komun bou di hende muher mundialmente. Danki na e programa di skrinen pa detektá e vírus di papiloma humano HPV, por detektá fase prekanseroso den un etapa mas prematuro, hasiendo e malesa asina ki mas tratabel.

Danki na bon kooperashon entre RIVM, Public Health Prevention Clinic i Sint Eustatius Health Care Foundation, awor ta ehekutá e skrinen pa kanser na boka di matris strukturalmente. Esaki ta kontribuí na benefisio di salú pa e abitantenan di Sint Eustatius.

Inisio

E meta ta pa skrin hende muhé den kategoria di edat di entre 30 pa 60 aña dentro di tres aña. E aña aki ta invitá hende muhé den edat di entre 50 pa 60 pa partisipá i traha su sita. Es ku no a risibí un invitashon ainda pero ta forma parti di e grupo ku por partisipá tambe por yama “Public Health Prevention Clinic” na +5993182891 òf Shanna Mercera-Gibbs na +5993185147. E promé rònt di skrinen ta kuminsá dia 27 di yüni 2022.