KRALENDIJK – Djasabra 04 di desèmber 2021 Tirabon a bolbe organisá un kompetensia di e deporte tiru manera ta kustumber, e famoso “christmas turkey tournament”. Wertabata
parsialmente nublá ku algun spat leve di áwaseru lokal. Bientu tabata generalmente for di direkshon ost i moderá; forsa 3 te 4 (12 te 30 km/ora, 7 te 16 nudo).

E Parkourku a skohe pae kompetensia di e deporte di tiru e bia aki tabata “practical shooting” riba 5, 10, 15 i 25 meter di distansia uzando un kombinashon di pistol i rifel, kaliber 9mm i .22 largu. Premionan tabata pa terser lugá, un galiña henter, segundo lugá, un ham di Pasku henter i pa e ganador apsoluto, un kalakuna henter. 

Na di terser lugá a sali Eric Soleana, Peter Silberie a bai ku e premio di segundo lugá i e konosido Jadyr da Silva Piloto a sali e ganador apsoluto kibrando su mes un record i bariendo tur otro deportista tiradó ku un “hit factor” di 0.52, esaki uzando e método “comstock”, kaminda ta dividí e kantidat di punto dor di e lapso di tempu ku e deportista tiradó a dura pa e tira. 

Na final di e kompetensia, e presidente di Tirabon, señor Gandy Mauricio a hiba palabra felisitando Jadyr i gradisiendo tur partisipante, i muy espesialmente pa e damanan miembro di direktiva ku a sa di hasi un tremendo trabou den e parti di registrashon di puntonan, tempu i tambe e skor. Alabes e la duna palabranan di apresio pa e deportista tiradónan bishitante ku tambe a djòin hasiendo e kompetensia a un mas plasentero. 

Nòmbernan di partisipantenan; Gandy Mauricio, Eric Soleana, Peter Silberie, Jadyr da Silva Piloto, Yaël Soliano, Quinlan de Lanoy, Sherman Blanken, Marvelous Molina, Nathaniella Mauricio-Martis, Ethuriel Nicolaas, Desiree Silberie-Soliano, Gilroy Rynschot

All by all, tabata un momentu tremendo kaminda ku deportistanan tiradó a pasa un ratu ameno ku otro, esaki teniendo na kuenta ku reglanan vigente di COVID.