KRALENDIJK – Ya ta un tradishon ku ta e prome mandatario di Boneiru pa hasi e prome donashon durante luna di kolekta di fundashon Kanker Fonds Bonaire. I e aña aki dia 1 di sèptèmber a bishitá e biaha aki gezaghebber interino, señor Nolly Oleana, ku a hasi e prome donashon pa e luna aki. 

Anualmente luna di sèptèmber ta e periodo ku internashonalmente ta hasi kolekta pa generá entrada pa organisashonnan ku ta traha na bienestar di konsientisashon i prevenshon pa e malesa di kanser.

E buzonnan ta pone na diferente sitio aki na Boneiru pero semper bai por hasi uso di e swipe machine na nos ofisina na Kaminda La Union 11 ku ta habri djaluna, djarason i djabierne di 10’or di  mainta pa 2’or atardi. 

Bo pore hasi bo donashon tambe online via banko Maduro & Curiel’s Bank (Bonaire) N.V., number di kuenta 101.191.602 of via RBC Bank N.V. na number di kuenta 8400000180282769. 

Pa e aña aki nos a skohe e lema  “Kopera I hasi e diferensia”. I ta laga muchanan den nos kumunidat trese e mensahe dilanti kon importante bo donashon ta pa e fundashon i pa Boneiru.