KRALENDIJK – E produsente di diferente produkto di hariña e aña aki a kometé un error den un lote di meks pa traha olibòl, den sentido ku nan a lubidá di agregá is (yeast) na e meskla di produkto. Dor di e falta di is e mansa di olibòl no ta rèis anto ta keda mané piedra ora hasa esaki. 

Segun Koopmans a bisa, ta trata aki solamente di un parti masha chikitu di e produkshon total. E produsente ta kalkulá esaki na masomenos 1% di e produkshon total. 

Sin embargo, un parti di e pakinan aki a yega Boneiru si. Vários hende ku a kumpra paki na Warehouse Bonaire a konstatá ku e number di lote ku nan a kumpra, ta entre esnan ku a wòrdu menshoná pa Koopmans. 

Warehouse

Warehous Bonaire, na unda a bende e pakinan, a pidi su deskulpa pa e inkombenensia. Aunke por entrega e pakinan konserní bèk na e supermerkado, nan no tin stòk pa remplasá e meks pa otro ku si ta bon.