KRALENDIJK – Tourism Corporation Bonaire (TCB) a reportá un aumento di 11,8% den e número di bishitante di alojamento na yanüari 2025, cu un total di 18.899 yegada.

Bishitante hulandes tabata forma e grupo mas grandi atrobe na yanüari (47,4%), siguí pa turistanan di Merka (28,2%). Tambe bishitante di Kòrsou (8,7%), Canada (5%) i Alemania a contribuí na e kresementu.

Mayoria di e biaheronan a bin pa pasa fakansi (53,6%), kaminda sambuyamentu tabata un motibu importante pa 32% di e bishitante. Hotelnan tabata e kaminda ku mast turista a hospedá, esta di  48% di tur turista ku a yega den e luna.

Edat

Loke a hala atenshon ta ku mayoria di tantu e bishitante hulandes komo esun merikano tabata entre 55 i 64 aña di edat. Ya ta algun tempu ta riparando cu Boneire ta atrae hopi turista den e segmento di edat un poko mas haltu.