KRALENDIJK – Riba 12 di febrüari 2025, e Konseho Insularnan di Boneiru, Sint Eustatius i Saba a tene un Kumbre BES , organisá pa e Konseho Insular di Saba na Saba. Riba e promé dia di e kumbre, Konseho Insular di Saba t yama e Konseho Insularnan di Sint Eustatius i Saba un kaluroso bon bini na Saba. 

Riba promé dia di e kumbre, e konsehalnan a deliberá ampliamente i a akordá riba un akuerdo formal di kooperashon ku ta resultá den un Memorandum of Understanding (MoU) presentá pa Saba. E MoU aki ta regla e manera kon e Konseho Insularnan lo sigui traha huntu via di Kumbre BES, miéntras ku nan ta fortalesé nan kompromiso pa un desaroyo positivo di nan islanan. 

Na final di e promé dia, e Konseho Insular nan a firma un karta di kompromiso riba esaki. E karta di kompromiso ta un kontrakt kaminda kada Konseho Insular ta ekspresá nan akseptashon di e intenshonnan di e MoU i ta disidí pa ratifiká e MoU den nan próksimo reunion di Konseho Insular. Ademas, e Konseho Insularnan di Boneiru i Sint Eustatius tambe a akordá pa sigui traha huntu riba un akuerdo di kooperashon konhunto.

Den e di dos dia di e kumbre, e konsehalnan lo bai riba un tur di e isla, ku ta inkluí un bishita na Saba Hydroponics Farm, Housing Development Project, Black Rocks Harbour Project, Waste Facility, i Sea Lab Research Center, kaminda nan lo haña un introdukshon kòrtiku tokante e diferente programanan ku ta den proseso di implementashon aktualmente riba e isla. Durante e segundo dia, e miembro di e Konseho Insular nan lo por deliberá tambe riba e desaroyo di nan islanan i kompartí nan vishonnan pa futuro.

Satisfecho

E Konseho Insularnan ta hopi satisfecho ku e resultado di  e kumbre aki i ta pre mira un kooperashon saludabel, produktivo i ku enfoke riba resultado pa futuro.